5 hlutir sem gera þig að frábæru foreldri

1. Fáðu að minnsta kosti 8 tíma svefn á næturna svo þú getir vaknað endurnærð og tilbúin til þess að takast á við heimilið. En vertu tilbúin að missa svefn þegar börnin eru veik, það þarf að vaska upp, þvo þvott, brjóta saman, það þarf að þrífa krot af veggjunum, baða börnin og borga reikninga..

2. Haltu heimilinu hreinu, vaskaðu samstundis upp, gangtu frá öllum þvotti strax og vertu alltaf með kaffi og meðþví tilbúið fyrir komandi gesti. Ég held nú ekki! Hverjum er ekki sama þótt það séu diskar í vaskinum, blettur á teppinu og hamsturinn er ekki lengur í búrinu sínu? Eyddu tímanum frekar í að búa til minningar með fjölskyldunni þinni.. allt annað getur beðið.

3. Leyfðu börnunum að vera sjálfstæð. En þú ættir auðvitað aldrei að taka augun af þeim

4. Taktu þér nægan tíma fyrir sjálfa þig til að hlúa að andlegri og líkamlegri heilsu. Taktu frá nokkra tíma í mánuði og skelltu þér í spa eða ræktina…Haha nei djók.. passaðu að eyða sem minnstum tíma í sjálfa þig. Hvað er frítími aftur?

5. Settu barnið ávallt að sofa klukkan átta í sínu rúmi.. HAHA sofnaði barnið ekki fyrr en klukkan tíu eftir lestur á sömu bókinni átta sinnum og í þínu rúmi ? Farðu fram, fáðu þér vínglas og bíddu eftir því að endurtaka allt aftur á morgun.

Heiðrún Gréta