FÁVITAR – Kynferðisleg áreitni

Ég hef verið með þessa færslu í deiglunni í töluverðan tíma því ég veit að hún mun snerta marga, hún mun fá marga til þess að hugsa & hún mun sennilega líka fara fyrir brjóstið á mörgum. En vitið þið hvað? Mér er alveg sama. Ég er ekki týpan sem berst í hljóði. Aldrei.

Ég sé allstaðar þessa dagana talað um –Karlmenn sem beita ofbeldi. Afhverju að kyngera ofbeldi? Konur áreita líka, konur brjóta líka af sér, konur áreita alveg jafn mikið & karlmenn. EN karlmenn þegja oftar en konur. Það eitt & sér er staðreynd sem þarf að viðurkenna.

Ég hef mikið fylgst með instagramaccountinum ‘favitar’ (sem ég mæli eindregið með að allir skoði) Þar kemur inn allskonar efni af vafasömum skilaboðum sem konur fá frá allskonar mönnum. Það var ekki fyr en nýlega sem það fóru að koma inn eitt & eitt skilaboð frá konum til manna. Afhverju er þetta svona? Konur er líka fávitar.

Ég get sagt ykkur frá dæmi.
Okkur manninum mínum finnst mjög gaman að fara niðrí bæ einsaka helgi & dansa með vinum okkar, ég meina hverjum finnst ekki gaman að dansa?
Ég get sagt ykkur að í hvert einasta skipti er maðurinn minn áreittur. Hvað er að?
Þær koma aftan að honum, klípa hann í rassinn, strjúka honum miðsvæðis, reyna að kyssa hann & ég gæti ansi lengi talið. Við erum að tala um konur á öllum aldri. Svo þegar hann bendir á mig & segist vera giftur mér, þá æsast þær bara enn meira. „Hvað? Ertu afbrýðisöm?“ „Má maðurinn þinn ekki tala við aðrar konur en þig eða?“ Þetta hefur ekki með MIG að gera, heldur HANN SEM MANNESKJU. Kynferðisleg áreitni hefur EKKERT með kyn að gera. Ef eitthvað er þá eru konur kræfari hvað þetta varðar! Hvað segir það okkur?
Mér finnst ótrúlega sérstakt að leyfa sér að labba bara að næstu manneskju sem þú þekkir ekki neitt & haga sér svona. Oftar en ekki hefur þurft dyraverði til þess að losna við þessar konur, það er alveg magnaður andskoti.

Með þessu er ég samt ekki að segja að karlmenn áreiti ekki, ég lendi alveg í þessu niðrí bæ, útí búð, í skilaboðum, en ég vil samt ekki meina að þetta sé bara eitthvað sem karlmenn gera. Við sjáum það bara oftar. Það er líka annað sem má horfa í, í þessu samhengi, tökum dæmi, karlmaður reynir við konu í miðbænum, hún snappar & slær hann & hrindir honum, snúum þessu við, hvað myndi gerast ef kona reynir við mann & hann myndi hrinda henni & slá hana? Það þarf ekkert að ræða það, því við vitum það.
KONUR BEITA LÍKA OFBELDI.

Núna nýlega tók ég síðan eftir öðrum instagramaccounti sem ber nafnið ‘karlmennskan’. Tilgangur karlmennskan er að frelsa karlmenn undan álögum karlmennskunnar og styðja við femíníska jafnréttisbaráttu með umræðu, fræðslu og viðburðum.
Ég meina hversu frábært? Er það ekki nákvæmlega það sem við þurfum?

Í nútímasamfélagi þar sem staðalýmindir ráða ríkjum er karlmönnum kennt að gráta ekki, kvarta ekki & bara hreinlega „ekki vera aumingjar“. Ég get alveg lofað ykkur því að þannig mun ég ekki ala syni mína upp. Guð minn almáttugur.

Getum við ekki bara verið jöfn? Við erum öll bara manneskjur.

Þegar talað er um kynferðislega áreitni í samfélaginu okkar þá heyrum við alltaf meira um að það séu karlmenn að áreita konur en ekki öfugt, við vitum alveg afhverju er það ekki? Það er vegna þess að karlmenn sem lenda í áreitni þeir burðast með það inní sér, leyfa sálinni sinni að kremjast meira & meira með degi hverjum bara til þess eins að ‘vera ekki aumingi’ STOPP NÚNA.

Hættum að kyngera ofbeldi, hættum að setja karlmenn í einhver hlutverk fyrir gerendur, HÆTTUM ÞESSU.

Það eina sem mun einhverntímann virka til þess að ná árangri hvað þetta varðar, er fræðsla & meiri fræðsla. Fræðum börnin okkar, fræðum foreldra okkar, fræðum vini okkar, fræðumst bara við sjálf.

Þangað til næst

img_5090

Ein athugasemd á “FÁVITAR – Kynferðisleg áreitni

Lokað er fyrir athugasemdir.