Versti óvinur minn.

Ég finn hann læðast aftan að mér,
hreiðra um sig í kollinum á mér,
ég fæ gæsahúð & hausverk.
Hann kemur óboðin & hann fer þegar honum langar.
Hann fær mig til þess að efast um sjálfa mig, tilveru rétt minn.
Hann skemmir dagana mína & honum er alveg sama.
Skelfingin sem grípur mig er ólýsanleg, þegar hann kveður mig svo er ég uppgefin,
uppgefin á sál & líkama & gæti sofið í viku.

Svona hljóma flest kvíðaköstin mín.
Ég hef verið kvíðin síðan ég var barn, hann hefur fylgt mér eins & skugginn minn & hann heldur að við séum einhverjir vinir. Hann vill ekki fara sama hversu oft ég bið hann, sama hversu fallega, sama hversu reið, hann bara ER þarna, alltaf. Stundum lítill, stundum stór, stundum miðlungs.

Ég hef tileinkað mér nokkra hluti síðustu ár sem hjálpa mér að ná tökum á þessum óvin sem kvíðinn er.

38723438_229458914346413_4654210261991817216_n

Þetta er yfirleitt það fyrsta sem ég gríp í að gera. Ég bara sest niður & einbeiti mér.

38778034_443681456115578_7549996892218720256_n

Þetta er ofboðslega gott til þess að núllstilla sig alveg.

Anxiety relief meditation, fullt af frábæru efni á youtube t.d.

 Ég hlusta ofboðslega mikið á tónlist & hef í gegnum árin fundið hvað það er sem róar mig mest. Stundum þarf ég göngutúr með tónlist, stundum bað, stundum að leggja mig. Það hentar ekki það sama fyrir alla. 

 Talaðu við einhvern. Vin/vinkonu, maka, foreldra, fagaðila. Að burðast einn með hlutina inní sér er það versta sem hægt er að gera í okkar stöðu. 

Höfum í huga að það er auðvitað ofboðslega misjafnt hvað virkar fyrir hvern & einn, það sem virkar fyrir mig er ekkert endilega að fara að virka fyrir þig.

Ég hef í gegnum ca síðustu 3 árin lagt gríðarlega mikla vinnu í að finna hvað er að virka fyrir mig. Ég nota að mestu þessa hluti en stundum eitthvað allt annað. Ástæður kvíða eru virkilega misjafnar. Stundum fæ ég ofsakvíða, stundum heilsukvíða, stundum mjög vægan og svo framvegis.

Við eigum bara eitt líf elsku fallega fólk, látum okkur líða vel í eigin skinni, fáum hjálp ef við erum ekki uppá okkar besta. Stundum virkar bara ekkert, stundum verður maður bara að kyngja stoltinu, fara á lyf & fara í einhverskonar meðferð. Við erum misjöfn eins & við erum mörg, við komum úr misjöfnum aðstæðum með mismunandi bakgrunn. Við skulum samt umfram allt muna að lífið er núna.

Takk fyrir að lesa

img_5090

Ein athugasemd á “Versti óvinur minn.

Lokað er fyrir athugasemdir.