HALLÓ YFIRVÖLD!!

Hvenær ætliði að vakna?
Hvenær er komið gott?
Hvenær fá brotaþolar þá vernd sem þeir eiga skilið?
Aldrei?

Ég ætla að segja ykkur sögu. Sögu sem hefur breytt lífi mínu, viðhorfi mínu til lífsins & mótað mig fyrir lífstíð.

Ég á vinkonu. Vinkonu sem að er spegilmyndin mín. Vinkonu sem klárar setningarnar mínar, les hugarnirnar mínar. Vinkonu sem að hefur gengið í gegnum helvíti & til baka. Yfirvöld hafa brotið á henni oftar en einu sinni & oftar en tvisvar. Hver á að svara fyrir það?

Einu sinni var hún alltaf brosandi, alltaf glöð & kát & elskaði lífið. Núna er hún ekki stelpan sem ég kynntist, hún er búin að þurfa að upplifa hluti sem ég óska engum, hluti sem að breyttu henni, gerðu hana hrædda, óörugga, lokaða. Hún er ekki sú sem hún var.

Hafið þið heyrt um heimilisofbeldi? Hverslags afleiðingar það hefur á fólk? Aðstandendur & alla í kring.
Sjúka ást? Hún er til.
Það var einmitt það sem vinkona mín upplifði, þessi ást var svo sjúk að ég missti hana næstum því. Ég hefði ekki geta lifað það af.

Hún kærði, hann fékk dóm. 4 ára fangelsisdóm. 4 ára dóm sem á að klárast í Janúar 2020.
EN HVAÐ?
Hversu marga sénsa eiga svona menn að fá?
Hver ætlar að bera ábyrgð á því ef þeir ná að ganga alla leið? Nú eða fórnarlambið tekur sitt eigið líf?
Við sem aðstandendur höfum ítrekað ÍTREKAÐ haft samband við fangelsismálastofnun vegna þess að hann var á internetinu, á facebook & fleiri miðlum. Ekkert gerðist.
Hann fékk að fara í opið úrræði – Hún mætti honum á samkomu, hvað gerði hann þar? Gerði lítið úr henni, blikkaði hana & hló svo framaní hana.
Síðan gerist það að hann fær agabrot, beint á hraunið aftur. Það er ekki allt, hún mætti honum í SMÁRALIND inní búð að versla. Það vill enginn brotaþoli þurfa að ganga í gegnum það að mæta ofbeldismanninum sem á að vera í fangelsi.
Hann fékk að fara á vernd, strauk þaðan.
Fangelsismálastofnun gaf brotaþola skýr skilaboð um að eftir þetta strok yrði hann að klára dóminn í fangelsi ÚT JANÚAR 2020. Þið spyrjið ykkur kannski hvar hann er núna?
REYNSLULAUSN Í 2 ÁR.
Má ekki hafa samband við hana, má ekki neyta neinna vímuefna. HVER ÆTLAR AÐ FYLGJAST MEÐ ÞVÍ? Það er korter síðan við fréttum af honum á barnum á Egilsstöðum. AFHVERJU FÁ MENN MEÐ EINBEITTAN BROTAVILJA SÉNSA? Ef það er eitthvað í þessu lífi gerir mig brjálaða.

Var brotaþoli látinn vita? Nei. Aldrei, ekki í neitt skiptið sem hann fékk séns.
HVAÐA SÉNSA FÉKK HÚN? Hún fékk annan séns á að LIFA. Á hún ekki skilið að fá að lifa öruggri? Hvað með börnin hennar?

Hversu ruglað er þetta eiginlega?
Hvenær ætla yfirvöld að vakna? HVENÆR? ÉG HEIMTA SVÖR. Hvað þarf að gerast svo fólk fái viðeigandi dóma & hjálp? Svona menn eru VEIKIR líka, afhverju er þeim ekki hjálpað?

Ég hef vakað ófáar næturnar með nístandi áhyggjur inn að beini. Ég get ekkert gert. Vanmátturinn er algjör. Ég get ekkert gert nema verið til staðar fyrir hana & gefið henni alla mína ást & hlustað.

Þessi maður lýsti því vandlega fyrir henni hvernig hann ætlaði að borða hana með hnífi & gaffli. Hann lúbarði hana, það þurfti að sauma hana saman, hún var með skallabletti í hárinu.
Andlega ofbeldið var svo slæmt að hún var fangi í sínu eigin lífi.
Hún þurfti að vera heima á ákveðnum tímum sólarhrings svo hann gæti hringt í hana, hún þurfti að gefa honum skýrslu af öllu. ALLTAF! Svo sjúkt. Svo vont.

Hvar er hún núna? Jah henni líður allavega ekki öruggri.
Allt fyrir „Við viljum gefa föngum sénsa á að bæta sig“ HALLÓ?
Ég leyfi mér að segja að hann eigi enga sénsa skilið.

HÖFUM HÁTT – OFBELDI ER ALDREI Í LAGI – ÞAÐ ER TIL HJÁLP.
Ef þú ert í ofbeldissambandi þá vona ég frá mínum dýpstu hjartarótum að þú leitir þér hjálpar. Það er von, þú átt betra skilið. Ég fæ vinkonu mína aldrei sama til baka, hún mun þurfa að bera þetta með sér að eilífu. OFBELDI ER DAUÐANS ALVARA.

EKKI LÁTA BROS BLEKKJA!

Ég mun berjast fyrir réttlæti fyrir vinkonu mína þangað til ég dreg minn síðasta andadrátt. ALLTAF. Því get ég lofað ykkur.

Þangað til næst
Fangelsismálastofnun GIRTU ÞIG.